Sentyabrın 15-16-da MDB dövlətlərinin ekspertləri Birlik ölkələrinin daxili işlər nazirləri Şurasının iclasının gündəliyini hazırlayacaq. Bu barədə Trend ə MDB İcraiyyə Komitəsindən məlumat verilib.
Nazirlər Şurasının iclası sentyabrın 28-30-da Astanada keçiriləcək. İclasın gündəliyinə təxminən 15 məsələnin daxil ediləcəyi gözlənilir. MDB hüquq-mühafizə orqanlarının başçıları beynəlxalq terrorçuluq, qanunsuz kimyəvi maddələr, o cümlədən silah alveri və daşınması, insan alveri ilə mübarizə məsələlərini müzakirə edəcək. Gündəliyə, həmçinin, dövlətlərarası sazişlərin bir sıra layihələrinin razılaşdırılması ilə bağlı məsələlər də daxil ediləcək.
İclasda bütün MDB dövlətlərindən, o cümlədən Azərbaycandan da nümayəndə heyətlərinin iştirakı gözlənilir.