Salyan Rayon Statistika İdarəsinin rəisi S.İsmaylovun açıqlamasında deyilir: "2006-cı il oktyabrın 1-nə ölkə əhalisinin sayı 8 mln 506 min nəfər, Salyan rayonu əhalisinin sayı isə 119, 1 min nəfər olub. "9 ay ərzində ölkə əhalisinin sayı 70 min nəfər, Salyan rayonunun əhalisinin sayı isə 932 nəfər artıb. Ölkə əhalisinin 49%-ni kişilər, 51%-ni isə qadınlar təşkil edir. Salyanda bu göstərici ölkə göstəricisi ilə üst-üstə düşüb. Azərbaycanda göstərilən müddətdə 109 min nəfər körpə dünyaya gəlib. 2005-ci ildə isə bu göstərici 102 min nəfər olub. Salyanda isə 1396 nəfər körpə dünyaya gəlmişdi. Ötən il isə bu rəqəm 1339 olmuşdu. 9 ay ərzində ölkə üzrə 39, 5 min nəfər dünyasını dəyişib, Salyanda isə bu göstərici 562 nəfər olub. Ölkədə 9 ay ərzində 56, 7 min nigah bağlanıb. Xatırladaq ki, ötən ilin müvafiq dövründə 49, 1 min nigah bağlanıb. Boşanmaların sayı isə ölkə üzrə 6,7 min təşkil edir. Ötən ilin 9 ayı ərzində isə 6, 8 min boşanma qeydə alınıb. Salyan rayonunda 9 ay ərzində 873 nigah bağlanıb. Ötən il isə bu r
əqəm 708 olub. Boşananların sayı 9 ay ərzində 41 nəfər qeydə alınıb. 2005-ci ilin 9 ayı ərzində isə 66 boşanma qeydə alınmışdı".
...
