Azərbaycan, Bakı, 17 sentyabr /Trend/
Qala Arxeoloji Etnoqrafik Muzey Kompleksində Azərbaycanın qədim və tarixi hamamları barədə məlumatlar verilir.
Trend-in məlumatına görə, "Bayraməli hamamı" qədimdə Bəy hamamı kimi məşhur olub. XIX əsrə aid olan bu hamam 1881-ci ildə bənna Bayraməli tərəfindən yenidən bərpa olunub.
XIX əsrə aid "Bayraməli Hamamı" Azərbaycan Respublikası ərazisində dövlət mühafizəsinə götürülmüş daşınmaz tarix və mədəniyyət abidələrinin əhəmiyyət dərəcələrinə görə bölgüsünün təsdiq edilməsi haqqında Azərbaycan Respublikasının Nazirlər Kabinetinin 2 avqust 2001-ci il tarixli 132 nömrəli qərarı ilə təsdiq edilmiş 2 nömrəli əlavəsinə əsasən ölkə əhəmiyyətli memarlıq abidəsidir.
XII-XIV əsrlərə aid olan "Qum hamamı" arxeoloji qazıntılar zamanı aşkar edilib.
Tarixi əhəmiyyət daşıyan memarlıq abidələri bu yerlərin qədim yaşayış məskənlərindən olduğunu təsdiqləyir.
