Azərbaycan, Bakı, 21 fevral /Trend, müxbir İ.İsabalayeva/
Azərbaycan Milli Elmlər Akademiyası (AMEA) Elmi İnnovasiyalar Mərkəzinin direktoru vəzifəsinə təyinat aparılıb.
Akademiyanın Rəyasət Heyəti Mərkəzi Aparatının İctimaiyyətlə əlaqələr şöbəsindən Trend-ə verilən məlumata görə, Aparatın Hüquqi təminat şöbəsinin rəisi, hüquq üzrə fəlsəfə doktoru Azər Namazov AMEA Elmi İnnovasiyalar Mərkəzinin direktoru vəzifəsinə təyin edilib.
Bununla yanaşı, Zülfüqar Fərzəliyev "Elm" qəzeti və "Elm və həyat" jurnalının baş redaktoru vəzifəsinə təyin olunub.
Qeyd edək ki, Elmi İnnovasiyalar Mərkəzi akademiyada yeni yaradılıb.