Bakı. Trend:
Bakıda kifayət qədər avtoparklar olsa da, onlar arasında əlaqəlilik zəifdir.
Trend-in məlumatına görə, bunu Yerüstü Nəqliyyat Agentliyi İdarə Heyətinin sədri Anar Rzayev Milli Məclisdə keçirilən “Nəqliyyatın idarə edilməsində yeniliklər və çağırışlar” mövzusunda dinləmədə deyib.
O qeyd edib ki, avtoparklar arasında əlaqələrin tənzimlənməsi üçün yeni sistem tətbiq ediləcək.
“Avtoparklar arasında əlaqəlilik tərəfimizdən təmin ediləcək”.
A.Rzayev əlavə edib ki, 14 mindən çox taksi sürücüsü AYNA-nın təlimlərinə cəlb edilib və bu proses davam edəcək.
Qeyd edək ki, Rəqəmsal İnkişaf və Nəqliyyat Nazirliyinin yanında Azərbaycan Yerüstü Nəqliyyat Agentliyi (AYNA) parklanmanın idarə edilməsi ilə bağlı mobil tətbiqi artıq istifadəyə verib. İstifədəçilər mobil tədbiq vasitəsilə boş parklanma yerlərini tapa bilirlər. Mobil tətbiq istifadəçilərin vaxtlarına qənaət etməyə imkan verir. Parkalanma yerlərinin doluluğu ilə bağlı məlumatlar mobil tətbiqdə xəritə üzərində rənglərlə əks edilir.