Bakı. Trend:
İlin ötən dövrü ərzində Azərbaycanda 2 mindən yuxarı yeraltı təkan qeydə alınıb.
Trend xəbər verir ki, bunu Azərbaycan Milli Elmlər Akademiyası nəzdində Respublika Seysmoloji Xidmət Mərkəzinin baş direktoru, professor Qurban Yetirmişli RSXM-nin Monitorinq Mərkəzində keçirilən "Açıq qapı" günündə jurnalistlərə açıqlamasında bildirib.
Baş direktorun sözlərinə görə, qeydə alınan zəlzələlərdən 16-nın maqnitudası 3 və ondan yuxarı olub.
"Təkanların sayı gündən-günə artsa da, dağıdıcı zəlzələ ehtimalı yoxdur. Ölkə ərazisində seysmik aktivlik fon səviyyəsindədir", - o qeyd edib.