Azərbaycan, Bakı, 15 iyun /Trend, müxbir E.Əliyev/
Azərbaycan yığması Bakıda keçirilən bədii gimnastika üzrə Avropa çempionatında 3 top və 2 lentlə qrup tapşırıqlarında ikinci yeri tutub.
Trend-in məlumatına görə, hakimlər azərbaycanlı gimnastların çıxışını 17.650 balla qiymətləndiriblər.
Gimnastlarımız Müslüm Maqomayevin "Mavi əbədilik" mahnısının sədaları altında çıxış ediblər.
Qızıl medala 18.366 balla rusiyalı idmançılar sahib çıxıblar.
Bolqarıstan komandası isə 17.583 balla üçüncü olub.
Bu, Azərbaycan gimnastlarının qazandığı 3-cü medaldır.
