Bakı. Trend:
İtaliya A Seriyasında 27-ci turun son görüşü baş tutub.
Trend-in məlumatına görə, "Yuventus" doğma meydanda "Verona"nı qəbul edib.
Turin klubu uzun müddət hesabı aça bilməsə də, 73-cü dəqiqədə istəyinə nail olub – Turam dəqiq zərbə ilə fərqlənib. Son dəqiqələrdə ikinci qolu vuraraq qələbəni möhkəmləndirən "Yuventus" turnir cədvəlinin liderlərinə bir qədər də yaxınlaşıb. Hazırda komanda birinci pillədən 6 xal uzaqdadır.