Azərbaycan, Bakı, 27 may/ Trend , müxbir İ.Xəlilova/ Azərbacyan Beynəlxalq Bankı Birləşmiş Ərəb Əmirlikləri hökuməti ilə Dubayda törəmə bankının açılmasına dair danışıqlara başlayıb. Bu barədə ABB İdarə Heyətinin sədri Cahangir Hacıyev məlumat verib. Bu məsələyə dair müzakirələr AR və BƏƏ arasında iqtisadi, ticarət və texniki əməkdaşlıq üzrə hökumətlərarası komissiyanın mayın 26-da Bakıda keçirilmiş iclası çərçivəsində aparılıb.
Hacıyevin sözlərinə görə, komissiyanın yekunları üzrə protokolda, həmçinin, ərəb tərəfinin nümayəndəliyin törəmə bankına çevrilməsi imkanını nəzərdən keçirəcəyi öz əksini tapıb.
"Biz bu istiqamətdə işləyəcəyik, lakin hələ ki, tarix məlum deyil", - ABB rəhbəri bildirib.
ABB ötən ilin oktyabrında Dubayda nümayəndəlik açıb. ABB-in nümayəndəliyinin törəmə struktura çevrilməsi tarixi BƏƏ-nin bank qanunvericiliyi ilə bağlıdır. Bu ölkənin qanunvericiliyinə müvafiq olaraq, BƏƏ-də xarici bankların filiallarının açılmasına qoyulan qadağa hələ götürülməyib. Bu qadağa öz vaxtında yerli bank sektorunun maraqları üzrə qəbul edilib.
Qadağa 80-ci illərin sonunda, bu ölkədəki xarici bankların sayının yerli bankların sayını ötməsinə görə tətbiq edilib. Bu gün onların sayı, demək olar ki, bərabərdir. Yerli bank sistemi inkişaf etməyə başlayıb ki, bu da bazarın liberallaşdırılmasına əsas verir. Dubayda 25-26 yerli və 28 xarici bank fəaliyyət göstərir.
Mayın 27-nə olan rəsmi məzənə - 0,8218 AZN/USD
Müəlliflə əlaqə saxlamaq üçün elektron ünvan: [email protected]
