Azərbaycan, Bakı, 27 yanvar/Trend, müxbir E.İsmayılov/
Azərbaycan Respublikası Dövlət Neft Fondu 2010-cu ildə fondun investisiya portfelinin qısamüddətli alətlərə qoyulma siyasətini davam etdirib və beş il müddətinə qoyulmuş vəsaitlərin payına aktivlərin 95,85 faizi düşür.
Cümə axşamı mətbuat konfransında fondun icraçı direktoru Şahmar Mövsümovun dediyi kimi, fondun investisiya portfelinin 34,56 faizi bir illik müddəti olan qiymətli kağızlara, 27,4 faizi bir ildən üç ilə qədər, 33,89 faizi üç ildən beş ilə və 4,04 faizi qiymətli kağızlar, o cümlədən 0,1 faizi müddəti beş ildən çox olan səhmlərə qoyulub.
Mövsümovun sözlərinə görə, dekabrın 31-nə olan məlumatlara əsasən, fondun aktivlərinin 44,19 faizi "AAA" , 23,21 faizi - "AA", 25 faizi "A", 7,57 faizi -"BBB", 0,03 faizi digər reytinqlərlə Mərkəzi Banka qoyulub.
ARDNF-nin aktivləri qismən qiymətli kağızlar, pul bazarı alətlərinə (depozitlər, bank hesabları) qoyulub. Səhmlərə fondun cəmi 0,11 faizi qoyulub. Hazırda fondun aktivləri agentliklər və beynəlxalq təşkilatların istiqrazları - 33,65 faiz, müstəqil borc kağızları - 18,36 faiz, maliyyə istiqrazları - 22,53 faiz, korporativ istiqrazlar - 13,06 faiz, qısamüddətli ticari kağızlar - 6,46 faiz, sığorta istiqrazları - 0,12 faiz və pul bazarının depozit və alətlərinə - 1,34 faiz qoyulub.
Onun sözlərinə görə, fondun aktivlərinin qoyulma coğrafiyası aşağıdakı kimidir: 68,89 faiz - Avropa ölkələri, 12,75 faiz - Şimali Amerika, 7,64 faiz - beynəlxalq maliyyə təşkilatları, 6,1 faiz - Asiya, 3,73 faiz - inkişaf etmiş ölkələr və 0,89 faiz - Yaxın Şərq.