Azərbaycan, Bakı, 27 fevral /Trend, müxbir A.Axundov/
Azərbaycanın əvvəllər Beynəlxalq Valyuta Fondundan (BVF) aldığı kreditlərin ödənilməsi prosesinin 2016-cı ildə başa çatacağı gözlənilir. Trend-in məlumatına görə, bu barədə bazar ertəsi Fondun məlumatında deyilir.
Əvvəl ödənişin 2013-cü ildə başa çatdırılması planlaşdırılırdı.
Borcun həcmi 17,55 milyon SDR səviyyəsindədir, onlardan 7,24 milyon SDR-i 2012-ci ildə, 6,44 milyon SDR-i 2013-cü ildə, 2,58 milyon SDR-i 2014-cü ildə, 1,29 milyon SDR-i isə 2015-ci ildə ödəmək planlaşdırılır.
Faizlər üzrə ödənişlərin payına yalnız 0,01 milyon SDR düşür. Onlar 2014-cü ildə həyata keçirilməlidir, qalan bütün məbləğ əsas borc üzrə ödənişlərin payına düşür.
Məlumata əsasən, Azərbaycan 2012-ci ildə artıq 1,287 milyon SDR ödəyib.
