Azərbaycan, Bakı, 20 may /Trend, müxbir Ənvər Məmmədov/
Kənd Təsərrüfatı Nazirliyi subsidiyalaşdırma mexanizmlərinin təkmilləşdirilməsi üzrə təklifi hökumətə təqdim edib.
Trend-in məlumatına görə, bunu kənd təsərrüfatı nazirinin müavini İlham Quliyev XXI Azərbaycan Beynəlxalq "Qida sənayesi" sərgisi və IX Azərbaycan Beynəlxalq "Kənd təsərüfatı" sərgisinə həsr edilmiş mətbuat konfransında deyib.
Onun sözlərinə görə, təkliflər, əsasən, subsidiyaların verilməsi proesduruna aiddir: "Aqrar sektora dövlət subsidiyaları vahid illik ayrılma şəklində birləşdiriləcək. Bu, həmin prosesin çevikliyini və şəffaflığını təmin etməyə imkan verəcək".