...

"Agrolizing" avtomobillərin alınması üzrə tenderi bağlı elan edib

Biznes və iqtisadiyyat xəbərləri Materials 31 Oktyabr 2006 16:40 (UTC +04:00)

"Agrolizing" ASC texnikanın alınması üzrə tenderi bağlı elan edib. Trend in dövlət müəssisəsinə istinadən xəbər verdiyi kimi, bir lot - 4 özüyükləyən yük maşını, 2 avtokar, 3 səyyar texniki təmir maşını, 6 yük və sərnişin avtomobili, 2 avtodartıcı, 2 yarımqoşqu, böyük yük qaldırmaq qabiliyyətinə malik 2 yarımqoşqu, 8 yanacaqdolduran avtomobilin alınması üzrə tenderin qalibi "Texnokom" QSC elan edilib. Alınan texnika saziş imzalandığı tarixdən etibarən 30 gün ərzində dövlət müəssisəsinə təqdim olunmalıdır.

Oktyabrın 20-də ASC-də baş tutmuş tenderdə iştirak dəyəri 400 AZN təşkil edib.

"Agrolizing" ASC Azərbaycan prezidenti İlham Əliyevin sərəncamı ilə 2004-cü ilin oktyabrın 23-də yaradılıb. Müəssisənin fəaliyyəti müxtəlif kənd təsərrüfatı texnikasının alınması və lizinq yolu ilə yerli torpaq sahiblərinə verilməsi vasitəsi ilə aqrar sahənin yaxşılaşdırılması və ölkədə sahibkarlığın dəstəklənməsinə yönəldilib. Hal-hazırda ASC-nin Azərbaycan bölgələrində 47 aqrotexservis və filialı fəaliyyət göstərir.

Xəbər lenti

Xəbər lenti