Noyabrın 20-24-də İstanbulda TRACECA nəqliyyat dəhlizinin iştirakçı ölkələrinin ekspeditor və operatorlarının hazırlanması layihəsi çərçivsində seminar keçiriləcək. Bu barədə Trend ə TRACECA-nın Azərbaycandan olan milli katibi Akif Mustafayev məlumat verib.
Bu layihə Avropa Komissiyasının keçirdiyi tenderin qalibi olmuş Niderlandın NEA şirkəti tərəfindən həyata keçiriləcək.
Ekspeditorların hazırlanması layihəsi 10 ölkəni əhatə edəcək. Türkiyə, Bolqarıstan və Rumıniya bu layihədə iştirak etməyəcək. Belə ki, həmin dövlətlər bu istiqamətdə kifayət qədər inkişaf etmiş xidmətlərə malikdir.
