Türkmənistan, Aşqabad, 28 oktyabr / Trend , müxbir H.Həsənov/
Renaissance Services (Oman) öz törəmə şirkəti "Topaz Energy and Marine" vasitəsilə Türkmənistanla 14 milyon dollar dəyərində müqavilə imzalayıb. Bu barədə şirkətin press-relizində deyilir.
Ərəb şirkətinin Türkmənistanda əsas muştərisi Xəzərin Türkmənistan hissəsində yerləşən, bir sıra dəniz yataqlarında işlər aparan Malayziyanın "Petronas Charigali" şirkətinin bazasında yaradılmış MMHE-dir (Malaysian Marine and Heavy Engineering).
Renaissance Services dəniz gəmilərinə xidmət edəcək. Renaissance-nın illik hesabatında bildirilir ki, şirkət Azərbaycan və Qazaxıstanda işləyir. Keçən il dəniz əməliyyatından gələn gəlir 217,1 milyon dollar təşkil edib.
Türkmənistanın təsdiqlənmiş qaz ehtiyatları təqribən səkkiz trilyon kubmetrdir, ölkə Rusiya, İran və Qətərdən sonra dünyada dördüncü yeri tutur.
Məqalə müəllifi ilə əlaqə ünvanı: [email protected]
