Azərbaycan, Bakı/ Trend müxbir S.Əliyev/ Bu il KfW Alman bankı 195 km. uzunluğunda olan "Azərbaycan İES-İmişli" EÖX-nin tikintisi üçün 12 il müddətinə 30 mln. avro məbləğində kredit ayıracaq. Bu barədə məlumatı "Azərenerji" ASC-dən veriblər. Bank həmçinin Mingəçevir və Əli Bayramlı İES-i Bakı ilə birləşdirəcək EÖX-nin də çəkilişində iştirak etmək niyyətindədədir. Bunlar 50 il aşınma dövrünü başa vurublar.
Eyni zamanda KfW-nin vəsaiti hesabına Goranboyda yeni yarımstansiyanın tikintisi, İmişlidə olan yarımstansiyanın yenidən bərpası nəzərdə tutulub. Bərpa olunan enerji mənbələri layihəsi çərçivəsində kiçik SES və hava stansiyalarının maliyyələşdirələcəyi də gözlənilir.