Azərbaycan, Bakı, 01 iyun / Trend , müxbir T. Cəfərov /
İran Azərbaycanda traktor zavodu tikmək niyyətindədir, bu barədə Trend -a bazar ertəsi Urmiyadan telefonla traktor istehsalı ilə məşğul olan Urmiya zavodunun beynəlxalq əlaqələr üzrə direktor Həsən Allahverdizadə bildirib.
Onun sözlərinə əsasən, hazırda Azərbaycana bu zavodun istehsalı olan traktor nümunələri göndərilib. "Azərbaycan bazarı ilə tanış olmaq məqsədilə biz bu ölkəyə 20 traktor göndərmişik. Onların ümumi dəyəri 200 min dollardır," - deyə Allahverdizadə bildirib.
Urmiya traktor zavodu Azərbaycanda xüsusi nümayəndəliyə malikdir. "Biz tərəfdən göndərilən traktorlar Azərbaycanın müxtəlif regionlarında əkinçilərə təqdim ediləcək. Gələcəkdə biz Azərbaycanın Şamaxı şəhərində Urmiya traktor zavodunun filialını açmağı planlaşdırırq," - deyə Allahverdizadə bildirib.
Məqalə müəllifi ilə əlaqə ünvanı: [email protected]
