Azərbaycan, Bakı, 15 iyul /Trend/
Moskva metrosunda qəza nəticəsində ona yaxın insan həlak olub. Bu barədə jurnalistlərə Moskva merinin müavini Pyotr Biryukov bildirib. Trend-in məlumatına görə, xəbəri İTAR-TASS yayıb.
Biryukovun sözlərinə görə, tibbi yardım üçün 149 nəfər müraciət edib, onlardan 106-sı xəstəxanaya yerləşdirilib.
Moskva şəhər merinin müavini Maksim Liksutovun sözlərinə görə, "Park Pobedı"- "Slavyanskiy bulvar" stansiyaları arasındakı tuneldə azı beş nəfər qalıb. O, bu rəqəmlərin dəqiq olmadığını bildirib.
Daha əvvəl hüquq-mühafizə orqanlarındakı mənbə qatarın dağılmış vaqonunda 7 nəfərin qaldığını bildirmişdi.
Xilasedicilər hadisə yerində yaralıları çıxarmağa çalışırlar.