Bakı. Trend:
İtaliyada keçirilən əməliyyat nəticəsində Berlin terrorçusu Anis Amri ilə əlaqədə şübhəli bilinən 5 nəfər saxlanılıb.
Trend-in məlumatına görə, həmin şəxslərin saxlanılması üçün Romada, eləcə də Neapol və digər şəhərlərdə axtarışlar aparılıb. Saxlanılanlardan birinin A.Amriyə saxta sənəd düzəltməyə çalışmaqda ittiham olunduğu bildirilir.
Qeyd edək ki, A. Amrinin 2016-cı ilin dekabrında Berlinin mərkəzində yük maşınını yarmarkada camatın üzərinə sürməsi nəticəsində 12 nəfər ölmüş, 28 nəfər xəstəxanaya yerləşdirilmişdi.