Bakı. Trend:
Rusiyanın Moldovadakı səfiri Oleq Vasnetsov Xarici İşlər Nazirliyinə çağırılıb.
Trend xəbər verir ki, bu barədə Moldova XİN bəyanat yayıb.
Bəyanatda qeyd olunub ki, səfir Rusiyadakı seçkilər üçün Dnestryanı bölgədə məntəqələrin açılması səbəbindən XİN-ə çağırılıb və ona etiraz notası təqdim olunub.
Bundan başqa, Rusiyanın Moldova səfirliyinin əməkdaşlarından biri "persona non grata" elan olunub və ölkəni tərk etməsi tələb edilib.