Bakı. Trend:
Vaşinqton və Ottava ABŞ-nin yeni raketdən müdafiə sistemi olan "Qızıl Qübbə" ("Golden Dome") yaratmaq üçün birgə iş aparırlar.
Trend-in məlumatına görə, bu barədə ABŞ prezidenti Donald Tramp Ağ Evdə Kanadanın baş naziri Mark Karni ilə görüşün əvvəlində jurnalistlərə bildirib.
"Çox sıx əməkdaşlıq etdiyimiz məsələlərdən biri də "Qızıl Qübbədir"", - deyə ABŞ prezidenti qeyd edib.
"Biz ölkələrimiz üçün "Qızıl Qübbə" üzərində birlikdə çalışacağıq. Bu çox vacib olacaq. Dünyada baş verənlərə baxdıqda görürük ki, bu müdafiəyə sahib olmalıyıq", - deyə D.Tramp əlavə edib.