Azərbaycan, Bakı, 19 may /Trend, müxbir M Əliyev/
Azərbaycan Fövqəladə Hallar Nazirliyinin (FHN) əməkdaşları mayın 15-də Kür çayına düşmüş şəxsin meyitini tapıblar. Bu barədə FHN-in rəsmi saytında yerləşdirilən məlumatda deyilir.
Şənbə günü Neftçala rayonunun Kürkənd kəndi ərazisində 1952-ci il təvəllüdlü Zair Paşa oğlu Əhmədov Kür çayına düşüb.
Qeyd olunan şəxsin cəsədi düşdüyü yerdən 20 km aralıda nazirliyin dalğıc-xilasediciləri tərəfindən tapılaraq sudan çıxarılıb. Əməliyyat saat 09:45-də başa çatıb.