Azərbaycan, Bakı, 29 may /Trend, müxbir İ.İzzət/
Zərdab rayonunun Dəkkəoba kəndi ərazisində baş vermiş yol-nəqliyyat hadisəsi zamanı 1 nəfər ölüb, 3 nəfər xəsarət alıb.
Trend Daxili İşlər Nazirliyinin mətbuat xidmətinin məlumatına istinadən xəbər verir ki, mayın 28-də saat 12.00 radələrində Zərdab rayonunun Dəkkəoba kəndi ərazisində Dəliquşçu kənd sakini Elçin Musayevin idarə etdiyi "Mercedes-190" markalı və Yevlax rayon sakini Araz Məmmədovun idarə etdiyi "KamAZ" markalı avtomaşınlar toqquşub.
Nəticədə xəsarət almış hər 2 sürücü və E.Musayevin sərnişini, həmkəndlisi Roman İsbəndiyarlı, habelə A.Məmmədovun sərnişini, həmyerlisi Qənimət İsayev xəstəxanaya yerləşdiriliblər.
Həkimlərin səyinə baxmayaraq R.İsbəndiyarlı xəstəxanada ölüb.
Faktla bağlı Zərdab Rayon Polis Şöbəsi tərəfindən araşdırma aparılır.