Bakı. Trend:
Avropa İttifaqı ölkələrində yardım üçün rəsmi qeydiyyatdan keçən ukraynalı qaçqınların sayı 4,28 milyon nəfərdir.
Trend xəbər verir ki, bu barədə məlumat Avropa Komissiyasının hesabatında yer alıb.
“2025-ci il mayın 31-nə olan məlumata əsasən, Ukrayna ərazisindən qaçan və Avropa İttifaqında müvəqqəti sığınacaq alan şəxslərin sayı 4,28 milyon nəfər təşkil edib”, - deyə sənəddə bildirilir.
Avropaya sığınan ukraynalı qaçqınların sayı aprel ayı ilə müqayisədə 10,8 min nəfər artıb.
Qeyd edək ki, ən çox ukraynalı qaçqın Almaniyada yaşayır - 1,19 milyon nəfər. Polşada qaçqınların sayı 990 minə, Çexiyada isə 370 minə yaxındır.