Bakı. Trend:
Beyləqanda ot bağlaması ilə yüklü olan yük maşının qoşqusunda yanğın baş verib.
Trend-in Qarabağ bürosu xəbər verir ki, hadisə rayonun Dünyamalılar kəndində qeydə alınıb.
Ot bağlamaları ilə yüklənən "KamAz" markalı avtomaşın hərəkətdə olarkən qoşqusunda olan ot bağlamaları yüksək gərginlikli elektrik naqilinə toxunub və yanğın baş verib. Yanan ot bağlamalarının bir hissəsi kənd daxili yola dağılıb. Hadisə yerinə Beyləqan rayon Yanğından Mühafizə Xidmətinin texnika və canlı qüvvəsi cəlb edilib.
Alov söndürülüb ətraf ərazilərə keçməsinin qarşısı alınıb. Hadisə nəticəsində 300-dən çox ot bağlaması yanıb və kəndin elektrik verilişində fasilə yaranıb.
Faktla bağlı araşdırma aparılır.
