Əfqanıstan, Kabil, 15 sentyabr / Trend , müxbir A.Hakimi/ Əfqanıstanın Qəzni əyalətində bomba partlayışı nəticəsində ən azı altı uşaq həlak olub, onlarla uşaq yaralanıb. Partlayış bazar günü, günün ikinci yarısında Əndar rayonunun Senayi kəndindəki körpü yaxınlığında baş verib. "Qəzni hospitalına çatdırılan yaralıların vəziyyəti ağır olub", - Əndar dairəsinin rəhbəri Abdul Rahim Disival bildirib. O, təxribatın baş verməsində hökumətin düşmənlərini günahlandırıb. Onun sözlərinə görə, partlayış uşaqlar körpüdə toplaşarkən baş verib. Təxribat qurbanları 5-15 yaşlı uşaqlar olub.
Senayi kəndi Şaran-Qəzni şossesi ilə Əndar dairəsindən 2,5 km məsafədə yerləşir. Yeniyetmələr dəfələrlə bütün ölkə üzrə yaraqlılar və əcnəbi qoşunların bombardman və hücumlarına məruz qalıblar.
Müəlliflə əlaqə saxlamaq üçün elektron ünvan: [email protected]