Azərbaycan, Bakı, 10 fevral / Trend , müxbir S.Ağayeva/
Serbiyanın Azərbaycandakı yeni səfiri Vladimir Curgus səfir təyin olunması barədə etibarnaməsinin surətini Azərbaycaının xarici işlər naziri Elmar Məmmədyarova təqdim edib. Bu barədə XİN-in mətbuat xidmətinin məlumatında deyilir.
Yeni səfir fəaliyyəti dövründə Serbiya-Azərbaycan arasındakı münasibətlərin inkişafına və genişləndirilməsinə xidmət edəcəyini söyləyıb.
Diplomat Serbiyanın ərazi bütövlüyünü dəstəklədiyinə görə Azərbaycana təşəkkürünü bildirərək Ermənistan-Azərbaycan, Dağlıq Qarabağ münaqişəsinin Azərbaycanın ərazi bütövlüyü çərçivəsində həll olunmasının vacibliyini vurğulayıb.
"Azərbaycan Serbiyada səfirlik açmağı planlaşdırır və bu amil ölkələrimiz arasındakı münasibətlərin daha da dərinləşəcəyinə təkan verəcək", - Məmmədyarov diplomat ilə görüşdə qeyd edib.