Azərbaycan, Bakı, 25 oktyabr / Trend, müxbir R.Hafizoğlu /
Fələstinlilərin təhlükəsizliyi həm də misirlilərin təhlükəsizliyidir. Bunu Misir prezidenti Məhəmməd Mursi bəyan edib.
Cümə axşamı Trend-in "Əl-Cəzirə" telekanalına istinadən verdiyi məlumata görə, Mursi bildirib ki, Qahirə inqilaba qədər imzalanmış bütün müqavilələri dəstəkləyir. lakin bu, o demək deyil ki, o, İsrailin fələstinlilərə qarşı təcavüzünə göz yumacaq.
Çərşənbə ügün gecə və səhər dörd fələstinli İsrailin Qəzza sektoruna endirdiyi aviazərbələr nəticəsində həlak olub. İsrail tərəfi yaraqlıların öldürüldüyünü bəyan etsə də, Fələstin tərəfi aviazərbələr zamanı dinc sakinlərin həlak olduğunu bildirir.