Bakı. Sara İsrafilbəyova - Trend:
UNESKO Ümumdünya İrs Komitəsinin 43-cü sessiyasında bir sıra vacib qərarlar qəbul edilə bilər.
Trend-in məlumatına görə, bunu çilili müşahidəçi Aleks Vetsix sessiya zamanı deyib.
Müşahidəçinin sözlərinə görə, Çilidəki qəbirüstü daşların təhlükədə olan ümumdünya irs obyektləri siyahısından çıxarılması məsələsi həllini tapa bilər.
O bildirib ki, tədbirin təşkilatçılığı yüksək səviyyədədir.
Qeyd edək ki, 43-cü sessiyaya xarici ölkələrin və beynəlxalq təşkilatların yüksək səviyyəli rəsmiləri, ümumilikdə 180-dək ölkədən 2500-dən çox iştirakçı qatılıb.