Bakı. Trend:
Türkdilli dövlətlərin ilk ortaq media platforması olan "Türk
Dünyası" (Turkic.World) və İstanbul Ticarət Universiteti
tərəfdaşlıq memorandumu imzalayıb.
Trend-in məlumatına görə,
memorandum Trend Trend Beynəlxalq İnformasiya Agentliyinin (BİA)
direktor müavini Rufiz Hafizoğlu və İstanbul Ticarət
Universitetinin rektoru, professor, doktor Yücel Oğurlu arasında
imzalanıb.
Memoranduma əsasən, Turkic.World media layihəsi İstanul Ticarət
Universitetinin rəsmi media tərəfdaşı olub.
İmzalanan memorandum çərçivəsində Turkic.World media platformasında
universitetlə bağlı xəbərlər dərc olunacaq, bununla yanaşı, media
layihəsində universitetin professor və müəllim heyəti dünya və
Türkiyədə baş verən hadisələrlə bağlı ekspert və siyasi şərhçi
qismində çıxış edəcəklər.
Qeyd edək ki, "Türk Dünyası" (Turkic.World) media platforması
2021-ci ildə Azərbaycan Prezidentinin köməkçisi - Prezident
Administrasiyasının Xarici siyasət məsələləri şöbəsinin müdiri
Hikmət Hacıyevin dəstəyi ilə, Trend BİA və Türkyənin “Albayrak"
Media Qrupunun əməkdaşlığı nəticəsində fəaliyyətə başlayıb.