Azərbaycan, Bakı / Trend müxbir İ.Əlizadə/ NATO Parlament Assambleyasının (NATO PA) növbəti iclası oktyabrın sonlarında İslandiyada keçiriləcək. Bu barədə cümə günü Bakıda Azərbaycanın NATO PA-dakı nümayəndə heyətinin üzvü, Milli Məclisin Təhlükəsizlik və müdafiə məsələləri daimi komissiyasının üzvü Siyavuş Novruzov məlumat verib.
Onun sözlərinə görə, hələlik iclasda hansı məsələlərin müzakirə olunacağı dəqiqləşməyib: "Gündəlik açıqlandıqdan sonra Azərbaycan nümayəndə heyəti sessiyada hansı məsələləri qaldıracağını müəyyənləşdirəcək. Bizim müəyyən ideyalarımız var. Lakin bunları indidən açıqlamaq istəmirəm".
Azərbaycan NATO PA-nın assosativ üzvüdür.