Azərbaycan, Bakı, 21 yanvar /Trend, müxbir M.Əliyev/
Azərbaycan Səhiyyə Nazirliyi oftalmoloq və cərrahların sertifikasiya imtahanlarının nəticələrini açıqlayıb.
Yanvarın 19-da oftalmologiya və ümumi-cərrahiyə ixtisasları üzrə keçirilən imtahanlarda 37 həkim iştirak edib. Onların 95 faizi sınaqdan uğurla keçib. Bu barədə Səhiyyə Nazirliyinin rəsmi saytında yerləşdirilən məlumatda deyilir. İmtahan verənlərin dördü maksimal bal toplayıb.
Həkimlər 3 saat ərzində verilmiş 100 sualdan ən azı 60 suala düzgün cavab verməli idilər. Sınaqdan uğurla keçən həkimlər növbəti mərhələyə - müsahibəyə buraxılacaqlar.