...

KATV1 və "Discovery Science" "Asteroid günü"nü qeyd edəcəklər

Cəmiyyət Materials 17 İyun 2016 12:15 (UTC +04:00)
Azərbaycanın kabel televiziya operatoru KATV1 və "Discovery Science" telekanalı 30 iyun tarixində bütün dünyada qeyd olunan “Asteroid günü”nü qeyd edəcəklər.
KATV1 və "Discovery Science" "Asteroid günü"nü qeyd edəcəklər

Trend-i buradan izləyin

Bakı. Trend:

Azərbaycanın kabel televiziya operatoru KATV1 və "Discovery Science" telekanalı 30 iyun tarixində bütün dünyada qeyd olunan "Asteroid günü"nü qeyd edəcəklər.

Sözügedən təşəbbüsün mahiyyəti bütün diqqətləri asteroid təhlükəsinə cəlb etməkdən ibarətdir. Bu il Azərbaycan seyrçiləri də bayram tədbirlərində iştirak edib və "Discovery Science" telekanalında efirə gedən Kainat haqqındakı elmi-kütləvi proqramları izləyib planetimizin keşiyində dura biləcəklər.

30 iyun tarixində "Park Bulvar" TM-də yereləşən Nəsirəddin Tusi adına planetariumda "Açıq qapı günü" təşkil olunacaq. Həmin gün planetariumda kosmos haqqında maraqlı sənədli filmlər və cizgi filmləri nümayiş olunacaq. Böyüklər və gənc qonaqlar üçün müxtəlif dillərdə əyləncəli şou-proqramlar da təşkil olunacaq. "Açıq qapı günü"nün əsas hadisəsi isə meteorit və asteroidlər haqqında çəkilmiş bir filmin qapalı nümayişi olacaq. Filmdən sonra Nəsirəddin Tusi adına Şamaxı Astrofizika Rəsədxanasının əməkdaşının mühazirəsi və KATV1-in nümayəndəsinin çıxışı gözlənilir.

Azərbaycan seyrçiləri həmçinin beynəlxalq "Discovery Science" müsabiqəsində də iştirak edə biləcəklər. Müsabiqənin qalibi Amsterdamda yerləşən Avropa Kosmik Agentliyinə səfər etmək imkanını qazanacaq. Mükafat uğrunda mübarizəyə qoşulmaq üçün 30 iyun tarixinədək asteroid haqqında 5 suala düzgün cavab vermək və http://www.yourdiscoveryscience.com saytındakı kiçik anketi doldurmaq gərəkdir. Bundan əlavə, KATV1-in rəsmi "Facebook" səhifəsində "Yer kürəsi asteroidlə toqquşarsa nə edərsiniz?" mövzusunda hekayələr müsabiqəsinə də start veriləcək. Ən yaxşı hekayələrin müəllifləri KATV1 şirkətindən və "Discovery Science" telekanalından dəyərli mükafatlar əldə edəcək.

Suallara cavab vermək və qeyri-adi süjet yaratmaq üçün gərəkən məlumatları 30 iyun tarixində "Discovery Science" kanalında səhərdən axşamadək efirə gedəcək kosmos haqqında olan verilişlərindən tapmaq mümkündür.

Yekun tədbir 3 iyul tarixində Mambo beach club-da keçiriləcək. Burada böyük ekranda xüsusi filmlər nümayiş olunacaq, həmçinin müxtəlif master-klaslar və musiqili kosmik şoular təşkil olunacaq. Bütün istəyənlər əsl teleskoplardan ulduzlara da baxa biləcəklər.

"Hər kəs özünü böyük Kainatın bir hissəsi olduğunu dərk etməlidir. Buradakı həyatımız bir tək özümüzdən asılı deyil. Asteroidlər Yer kürəsi üçün ciddi bir təhlükədir, və planetimiz hətta bir neçə dəfə onlarla toqquşub fəlakətli nəticələrlə qarşılaşmışdır. Bunu heç vaxt unutmamalıyıq, və "Asteroid günü" məhz hər kəsin kosmosdan gələnə təhlükələri unutmaması üçün bir üsuldur. "Discovery Science" isə kosmos və kainat haqqında olan biliklərimizi ən son elmi faktlarla daha da artırr", - deyə "AG Telecom" şirkətinin baş direktoru Samir Qurbanov qeyd etdi.

"Azərbaycan "Discovery Networks" üçün prioritet regionlardandır, və elə ona görə də ölkənin aparıcı operatoru olan KATV1 ilə əməkdaşlığımız bizim çox vacibdir. Yaxınlarda "Eurosport" kanalı KATV1 ilə müvəffəqiyyətlə əməkdaşlıq edərək ilk birgə aksiyanı həyata keçirmişdi, indi isə sıra tamamilə elmə həsr olunan dünyanın yeganə kanalı "Discovery Science" kanalındadır. Bunun sayəsində daha çoxlu sayda Azərbaycan seyrçisi elm dünyası ilə tanış olacaq və yaşadığımız Kainat haqqında yeni biliklər əldə edəcək. Əminəm ki, "Asteroid günü" diqqəti həm təşəbbüsün özünə, həm də Discovery Science-ın kosmos haqqındakı maraqlı verilişlərinə cəlb edəcək", - deyə "Discovery Networks" kanalının Şimal-Şərq Avropa ölkələri üzrə direktoru Anna Pak qeyd etdi.

Məqalədə:
Xəbər lenti

Xəbər lenti