Bakı. Trend:
Nazirlər Kabinetinin 1994-cü il Qərarı ilə təsdiq edilmiş “Şəhid adının əbədiləşdirilməsi və şəhid ailələrinə edilən güzəştlərin tətbiqi qaydaları”nda dəyişiklik edilib.
Trend-in məlumatına görə, bu barədə baş nazir Əli Əsədov qərar imzalayıb.
Dəyişikliyə əsasən şəhid və şəhid ailələrinə xərclənən vəsait Azərbaycan Respublikası dövlət büdcəsindən, ayrı-ayrı şəxslərin, müxtəlif təşkilat, idarə və müəssisələrin, o cümlədən xarici təşkilatların ianələri və digər mənbələr hesabına yaranan yardım fondlarından, habelə dövlət icbari şəxsi sığorta vəsaiti hesabına ödənilir.