Bakı. Elnur Bağışov - Trend:
İran və İraqın Mərkəzi Bankı arasında bank mübadilələrinin rial və dinar vasitəsi ilə həyata keçirilməsi ilə bağlı müzakirələr aparılır.
Trend-in məlumatına görə, bunu İran və İraqın Birgə Ticarət Palatasının sədri Yəhya Al İshaq deyib.
Onun sözlərinə görə, hal-hazırda İranın İraqa ixrac üçün hər hansı problemi yoxdur. Belə ki, cari ilin 8 ayında 8 milyard dollar dəyərində məhsul ixrac edilib. İxracın sadələşdirilməsi üçün İraq tərəfi ilə müzakirələr aparılır.
Al İshaq əlavə edib ki, hazırda iki ölkənin maliyyə mübadilələri valyutadəyişmə məntəqələri və ya bir və iki bank vasitəsi ilə həyata keçirilir.