Azərbaycan, Bakı, 17 sentyabr/ Trend müxbir İ.Xəlilova/ "Azərbaycan Milli Bankı (AMB) bank olmayan kredit təşkilatlarının (BOKT) fəaliyyətinin tənzimlənməsi üçün ikiqat nəzarət tətbiq etmək niyyətindədir", - AMB İdarə Heyətinin sədr müavini Rüfət Aslanlı Bakıda keçirilən Azərbaycan Mikromaliyyələşdirmə Konfransında bildirib. "Bank olmayan kredit təşkilatları haqqında" yeni Qanun qəbul edildikdən sonra belə zərurət yaranacaq. Qanun artıq parlamentin müzakirəsinə təqdim edilib.
Birinci nəzarət sistemi əmanətlər cəlb etməyən BOKT-u, ikinci isə, girov əmanətləri qəbul edən BOKT- u tənzimləməyi nəzərdə tutur. "Əmanətlərin cəlb edilməsi ilə yalnız banklar məşğul olmalıdır. Lakin biz başa düşürük ki, BKOT-un davamlılığı üçün vəsaitlərə ehtiyac var, - Aslanlı bildirib. - Bununla əlaqədar, AMB kredit girovu altında əmanətlərin açılması sisteminin tətbiqi barədə qərar qəbul edib".
Əmanətlər kreditin verilmə müddətini ötməyən müddətə qəbul edilməlidir. Kredit təşkilatlarının müxtəlif fəaliyyət növlərini həyata keçirərkən risklərə məruz qalmasını nəzərə alaraq, onlara qarşı irəli sürülən prudensial tələblər fərqli olacaq. Belə ki, girov əmanətləri qəbul edən BOKT- un kapitalına və hesabatlılığına tələblər fərqlənəcək. Hazırda kredit təşkilatları üçün Nizamnamə kapitalı 4 min manat səviyyəsində müəyyən edilib.
BOKT şəxsi kapitalları və ya maliyyə institutlarından cəlb edilən vəsaitlər hesabına kreditlər verə biləcəklər. Yeni qanunvericiliklə əlaqədar, bütün mövcud BOKT beynəlxalq maliyyə hesabatlılığı, korporativ idarəetmə standartlarını tətbiq etməlidirlər. Bundan əlavə, onların Milli Bankın nəzdində 2005 - ci ildən fəaliyyət göstərən kredit bürosuna çıxışları olacaq. Qanun layihəsi Dünya Bankı mütəxəsisslərinin yardımı ilə hazırlanıb, işçi qrupunda isə, ACDİ/VOCA Maliyyə Korporasiyasının nümayəndələri iştirak ediblər.
Dünyada mikromaliyyələşdirmə üzrə vahid formul yoxdur və yalnız bu bazarın əsas donorlarının 2001- ci ildə qəbul etdikləri xüsusi tövsiyələr var. Təcrübədə hətta bu prinsiplərə əsaslanan ölkələr, vaxt keçdikcə onlardan uzaqlaşıblar. Azərbaycan mütəxəssislərinin xülasələri göstərib ki, həyat öz düzəlişlərini edir və bu prinsiplər o qədər də səmərəli deyil. Belə ki, bu prinsiplər qaydaları bazarın özü diktə etdiyi vaxtda, burada hansısa oyun qaydaları tətbiq etmək istəyən donorlar tərəfindən hazırlanıb.
AMB yanında işçi qrupu, bununla əlaqədar həm bazar oyunçuları və xidmət istehlakçıları, həm də bu sektorun tənzimləyici institutu kimi çıxış edən dövləti qane edəcək qanun layihəsi hazırlamaq barədə qərar qəbul edib.
Sentyabrın 17-nə olan cari mübadilə məzənnəsi -- 0,814 AZN/USD.
Müəlliflə əlaqə saxlamaq üçün elektron ünvan: [email protected]