Azərbaycan, Bakı, 19 mart / Trend , müxbir S.Babayeva /
Azərbaycanda 2009-cu il ərzində quş qripi üzrə martın 10-dan etibarən keçrilən üçüncü monitorinq ölkədə "quş qripi" virusu aşkar etməyib. Bu barədə cümə axşamı Kənd Təsərrüfatı Nazirliyi yanında Dövlət Baytarlıq Xidmətindən bildirilib.
"Monitorinq gedişində 20 vəhşi quşdan və təxminən iki min ev quşundan nümunələr götürülərək tədqiq olunub. Heç bir nümunədə virus daşıyıcıları aşkar olunmayıb", - Dövlət Xidmətindən bildirilib.
Əvvəlki monitorinq də Azərbaycan ərazisində "quş qripi" virusunun olmamasını təsdiqləmişdi.
Monitorinqlər Səhiyyə, Ekologiya və Təbii resurslar, Kənd Təsərrüfatı Nazirliklərinin və Ovçular Cəmiyyətinin əməkdaşlarından ibarət xüsusi komissiya tərəfindən keçirilib.
Dövlət Xidmətindən bildirilib ki, Azərbaycanda quş qripi ilə əlaqədar olaraq stabillik müşahidə olunur və vəziyyət nəzarət altındadır. Lakin bununla yanaşı, ölkə ərazisindəki monitorinqlərin keçirilməsi iyun ayına kimi davam edəcək.
Məqalə müəllifi ilə əlaqə ünvanı: [email protected]