Azərbaycan, Bakı, 14 mart / Trend müxbir A.Axundov/
Beynəlxalq Kənd Təsərrüfatının İnkişafı Fondu (IFAD) Azərbaycanla əməkdaşlığa başladığı vaxtdan 2012-ci il yanvarın 1-dək ölkədə beş layihə üzrə kredit sazişi imzalayıb. Layihələrin ümumi dəyəri 45 milyon SDR, yaxud 68,9 milyon dollara yaxın təşkil edir. Bu barədə hökumətin 2011-ci ilin yekunları üzrə ölkə parlamentinə təqdim etdiyi hesabatda deyilir.
Layihələrdən üçünün reallaşdırılması artıq başa çatıb, ikisinin həyata keçirilməsi davam edir.
2012-ci il yanvarın 1-dək ayrılan kreditlərin ümumi həcmindən 39,1 milyon dollar, yaxud 56,7 faiz xərclənib.
2011-ci ildə IFAD-ın kreditlərindən beş milyon dollar istifadə edilib.