Bakı. Ləman Zeynalova - Trend:
Litva Azərbaycan yüklərinin Avropaya ucuz daşınması üçün şərtlər təklif edir.
Bu barədə Trend-ə Litvanın Nəqliyyat və Kommunikasiya Nazirliyindən bildiriblər.
Məlumat verilib ki, Litva Bakı-Tbilisi-Qars dəmir yolunu digər tədarük marşrutlarına alternativ olaraq nəzərdən keçirir:
“Bizə bu marşrut üzrə Azərbaycanın daşıma planları maraqlıdır. Litva yaxşı işləyən multimodal nəqliyyat-logsitika sistemini yaradıb və tranzit ölkə qismində Şərq-Qərb və Şimal-Cənub nəqliyyat dəhlizlərinin tərkibində vacib rol oynayır. Ona görə də ölkəmiz Azərbaycana yüklərin Avropa və Skandaniva ölkələrinə təhlükəsiz, sürətli və ucuz daşınmasını təklif edir”.
Qeyd edək ki, Bakı-Tbilisi-Qars dəmir yolunun açılışı 2017-ci il oktyabrın 30-da Bakı Beynəlxalq Dəniz Ticarət Limanında baş tutub.