"Ümumdünya Ticarət Təşkilatı (ÜTT) Azərbaycanın kənd təsərrüfatı istehsalçıları üçün vergi güzəştlərinin aradan qaldırılmasına təkid edir. Yardımın göstərilməsi zamanı kənd təsərrüfatı mallarının qiymətinin formalaşmasına təsir göstərən istiqamətlərdə daxili dəstəyə ÜTT məhdudiyyətlər qoyur. Hesab edilir ki, bu cür dəstək sektorun və ticarətin nizamlanmasına mənfi təsir göstərir", - deyə xarici işlər nazirinin müavini Mahmud Məmmədquliyev Trend ə məlumat verib.
Bu məhdudiyyətlər yenə də Azərbaycanın ÜTT-yə hansı statusda daxil olmasından asılı olacaq. Əgər ölkə inkişaf etməkdə olan ölkə kimi qəbul olunarsa, o zaman kənd təsərrüfatına qoyulan subsidiyaların həcmi 10% səviyyəsində ola bilər, əgər inkşaf etmiş ölkə kimi qəbul olunsa, bu həcm 5%-ə qədər enməlidir.
"Bu gün əsas məsələlərdən biri ÜTT-yə inkişaf etməkdə olan ölkə statusu ilə daxil olmaqdır. Bu, aqrar sektora daxili dəstəyi artırmağa imkan verəcək. Digər sahələrdə - infrastrukturda, araşdırmalarda məhdudiyyətlər qoyulmur və ölkə istənilən həcmdə subsidiya verə bilər. Yalnız qiymətə təsir göstərən yardıma icazə verilmir. Bunlara kənd təsərrüfatı istehsalçılarının vergi qoymadan azad olması var, bu isə, ÜTT-nin fikrincə, qiymətə təsir göstərir və bazardakı rəqabəti pozur", - deyə M.Məmmədquliyev məlumat verib. 2008-ci ilə qədər onlar torpaq vergisindən başqa, digər vergilərdən azaddırlar. Artıq üçüncü olan bu müddət ölkədə aqrar sektorun inkişafı məqsədi ilə müəyyənləşdirilir, lakin ölkənin ÜTT-yə daxil olmaq mərhələsində olduğunu nəzərə alaraq, hələ gələcəkdə bu müddətlərin uzadılmasına dair dövlət siyasəti məlum deyil.
Nazir müavinin fikrincə, hökümət bu sektorun inkişafı üçün vergi tətillərini uzadır, əks halda kənd təsərrüfatı məhsullarının qiyməti qalxacaq və ya fermerlər bazardakı rəqabətə tab gətirməyəcək. Bununla əlaqədar, belə yardım gələcəkdə də davam etdirilə bilər. Həm də inkişaf etməkdə olan ölkə statusunda bu da mümkün olacaq.
Son üç ilə olan məlumata görə, birinci il subsidiyaların həcmi 49% səviyyəsində olub və bu, kənd təsərrüfatında bütün borcların silinməsi ilə bağlı olub, sonrakı illərdə isə 13-14%-ə qədər azalıb.
