Bakı. Trend:
Beynəlxalq Valyuta Fondu (BVF) növbəti hesabatında qlobal iqtisadi artım proqnozunu "əsaslı şəkildə azaltmağı" planlaşdırır.
Trend "Bloomberg" agentliyinə istinadən xəbər verir ki, bunu İndoneziyada keçirilən "maliyyə iyirmiliyinin" sammitindən sonra BVF-nin Strategiya, Siyasət və Analiz Departamentinin direktoru Ceyla Pazarbaşıoğlu deyib.
Onun sözlərinə görə, ərzaq və enerji qiymətlərinin yüksəlməsi, inkişaf etməkdə olan bazarlara kapital axınının azalması, davam edən pandemiya və Çin iqtisadiyyatında yavaşlamanın mövcud olduğu bir şəraitdə siyasətçilər strategiya qurmaqda çətinlik çəkir.
"Zərbə ardınca zərbə və bu, həqiqətən də qlobal iqtisadiyyata zərbə vurur. Proqnozumuzu xeyli aşağı salacağıq", - deyə C.Pazarbaşıoğlu bildirib.