Bakı. Trend:
“ChatGPT” süni-intellekt çat-botunu yaratmış “OpenAI” şirkəti “Twitter” tərzində yeni sosial şəbəkənin yaradılması üzərində iş aparır.
Trend xəbər bu barədə “The Verge” nəşri öz mənbələrinə istinadən yazır.
Layihə hələlik erkən tərtibat mərhələsində olsa da, artıq daxili prototipin hazır olduğu məqalədə qeyd olunur.
Artıq “OpenAI” baş direktoru Sem Altman da üçüncü şəxslərin layihə ilə bağlı rəylərini bölüşmələrini xahiş edib.
Hələlik yeni sosial şəbəkənin necə adlanacağı və onun ayrıca bir tətbiq şəklində olacağı, yoxsa “ChatGPT”yə inteqrasiya olunacağı aydın deyil.