Azərbaycan, Bakı, 1 aprel /Trend, müxbir R.Daraxşan/
BMT-nin baş katibi Pan Gi Mun Ermənistan-Azərbaycan Dağlıq Qarabağ münaqişəsinin tezliklə həll olunmasına ümid etdiyini bəyan edib.
Ermənistan-Azərbaycan Dağlıq Qarabağ münaqişəsinin tezliklə həll olunmasına ümid edirəm və münaqişənin həlli bütün regiona müsbət təsiri edəcəyindən əminəm, BMT-nin baş katibi Pan Gi Munu Orta Asiyaya səfər edərkən cümə axşamı Bakıda xarici işlər naziri Emar Məmmədyarovla görüşündə bildirib, XİN-in mətbuat xidmətinin Trendə daxil olan məlumatında bidirilir.
Görüşdə əsas mövzusu Ermənistan-Azərbaycan Dağlıq Qarabağ münaqişəsi olub. Nazir baş katibə münaqişənin həlli istiqamətində aparılan danışıqların son vəziyyəti və Azərbaycanın tutduğu mövqeyi barədə ətraflı məlumat verib. Bildirilib ki, Ermənistan-Azərbaycan Dağlıq Qarabağ münaqişəsi beynəlxalq hüquq norma və prinsipləri və yalnız Azərbaycanın ərazi bütövlüyü çərçivəsində həll edilə bilər.
Nyu-Yorkda Haitidə baş vermiş zəlzələnin nəticələrinin aradan qaldırılmasına həsr edilmiş donorlar konfransının müsbət nəticələrinə toxunan Pan Gi Mun Azərbaycanın bu məsələdə verdiyi dəstəyini xüsusi qeyd edib.