Azərbaycan, Bakı, 17 oktyabr /Trend/
İndiyə qədər Azərbaycanda parlament seçkilərində iştirak etmək istəyən 712 nəfərin namizədliyi qeydə alınıb. Bu barədə Trend-ə bazar günü MSK-nın mətbuat xidmətindən məlumat veriblər.
MSK-nln verdiyi məlumata əsasən, parlament seçkilərində iştirak etmək üçün partiyalar arasında ən çox Yeni Azərbaycan Partiyasının namizədləri - 111 namizəd - qeydə alınıb.
Siyahıya əsasən, namizədlərin sayına görə ikinci yerdə "AXCP-Müsavat" bloku -33 nəfər, sonra isə "Qarabağ Seçki Bloku" - 32, "İslahat" bloku - 31, Klassik Xalq Cəbhəsi Partiyası - 30, Azərbaycan Milli İstiqlal Partiyası - 21, Demokratik Azərbaycan Dünyası Partiyası - 20, "İNSAN NAMİNƏ" bloku - 19, "Demokratiya" bloku - 17, "Ana Vətən" Partiyası, Müasir Müsavat Partiyası və Təşəbbüs qrupu - 7 nəfər, Azərbaycan Milli Demokrat Partiyası və Azərbaycan Sosial Demokrat Partiyası -2, Azərbaycan Milli Dövlətçilik Partiyası və Azərbaycan Tərəqqi Partiyası - 1 nəfər.
Namizədliyini özü irəli sürən namizədlərin sayı isə 371 nəfər təşkil edir.
Azərbaycanda parlament seçkiləri noyabrın 7-də keçiriləcək. Sentyabrın 3-də seçkilərə rəsmi start verilib.
Bundan əvvəlki seçkilər 2005-ci ilin noyabr ayında keçirilib. Azərbaycanda parlament seçkiləri majoritar sistem üzrə 125 seçki dairəsində aparılır.
Azərbaycanda parlament seçkilərində iştirak etmək üçün partiyalar arasında ən çox hakim partiyanın namizədləri qeydə alınıb
İndiyə qədər Azərbaycanda parlament seçkilərində iştirak etmək istəyən 712 nəfərin namizədliyi qeydə alınıb. Bu barədə Trend-ə bazar günü MSK-nın mətbuat xidmətindən məlumat veriblər.