Azərbaycan, Bakı, 26 fevral /Trend, müxbir M.Əliyev/
2014-cü ildə ATƏT PA-nın yaz sessiyası Bakıda keçirilə bilər.
Milli Məclisdən Trend-ə bildirblər ki, ATƏT PA-da Azərbaycan nümayəndə heyətinin rəhbəri, Milli Məclis sədrinin müavini Bahar Muradova qurumun qış sessiyasının yekununda keçirilmiş ümumi iclasda 2014-cü ildə ATƏT PA-nın yaz sessiyasının Bakıda keçirilməsi barədə Milli Məclisin sədri Oqtay Əsədovun ATƏT PA-nın prezidenti Petros Eftimiuya rəsmi məktub göndərdiyini bildirib.
Həmçinin, avropalı həmkarlarını may ayında Bakının ev sahibliyi edəcəyi 57-ci "Eurovision" mahnı müsabiqəsinə dəvət edən Muradova bu tədbirin Azərbaycan xalqının mədəniyyəti, adət-ənənələri, milli dəyərlər və qonaqpərvərliyi ilə yaxından tanış olmaq üçün gözəl fürsət olduğunu bildirib.
Qeyd edək ki, fevralın 24-də Vyanada ATƏT-in Parlament Assambleyasının (ATƏT PA) 11-ci qış sessiyası işini başa çatıb.
2014-cü ildə ATƏT PA-nın yaz sessiyası Bakıda keçirilə bilər
2014-cü ildə ATƏT PA-nın yaz sessiyası Bakıda keçirilə bilər.