Bakı. Trend:
2023-2024-cü tədris ili üzrə ümumi təhsil müəssisələrinin 1-ci siniflərinə və məktəbəhazırlıq qruplarına uşaqların qəbulu yekunlaşıb.
Bu barədə Trend-ə Elm və Təhsil Nazirliyindən xəbər verilib.
Bildirilib ki, bu gün saat 18:00-dan etibarən mektebeqebul.edu.az elektron sistemi bağlanıb.
Qeyd edək ki, 2023-2024-cü tədris ilində 114 484 uşaq məktəbəqədər təhsilə (uşaq bağçası) cəlb olunacaq.
Eyni zamanda 135 000 uşaq birinci sinifdə təhsil alacaq, 80 273 uşaq isə məktəbəhazırlıq qruplarında tədrisə cəlb olunacaq.