Azərbaycan, Bakı, 10 oktyabr /Trend/
Hövsan Olimpiya İdman Kompleksində sərbəst və yunan-Roma güləşi üzrə 1993-95-ci il təvəllüdlü gənclər arasında Bakı şəhər birinciliyinə yekun vurulub.
Azərbaycan Güləş Federasiyasından Trend-ə verilən məlumata görə, federasiya və Bakı Şəhər Gənclər və İdman Baş İdarəsinin birgə təşkilatçılığı ilə baş tutan və 2 gün davam edən yarışda paytaxtın bütün klub və cəmiyyətlərini təmsil edən gənc güləşçilər mübarizə aparıb.
FILA-nın mövcud qaydaları əsasında keçirilən yarış 8 çəki dərəcəsində təşkil olunub.
Reqlamentə görə, hər çəkidə ilk üç yeri tutan güləşçilər oktyabrın 24-25-də baş tutacaq "Hünər meydanı" respublika turnirində iştirak hüququ əldə ediblər.