Bakı. Trend:
Bu gün Azərbaycan Kuboku uğrunda oyunlara start verilib.
Trend-in məlumatına görə, 1/16 final mərhələsində Azərbaycan I Divizionunun lideri “Turan Tovuz” “Bakılı”nı böyük hesabla (4:0) məğlub edərək 1/8 finala yüksəlib.
“Turan Tovuz” bu mərhələdə “Zirə”ni qəbul edəcək.
1/16 final mərhələsinin digər görüşü isə Şəmkirdə keçirilib. Eyniadlı komanda “Qaradağ Lökbatan”a 1:2 hesabı ilə məğlub olub.
Lökbatan təmsilçisi 1/8 finalda “İnter”in qonağı olacaq.