Bakı. Trend:
"Qarabağ"ın futbolçusu Yassin Benzia Əlcəzair millisinin heyətində növbəti oyununa çıxıb.
Trend İdman.biz-ə istinadən xəbər verir ki, onun komandası evdə "FİFA series - Edition 2024" turniri çərçivəsində CAR-ı sınağa çəkib.
Matç 3:3 hesablı heç-heçə ilə yekunlaşıb. Oyuna start heyətində başlayan Benzia dubla imza atıb.
O, 22-ci dəqiqədə hesabı açıb. Yassin 70-ci dəqiqədə komandasının bərabərlik (3:3) qolunu vurub.
"Qarabağ"lı digər qolun da məhsuldar ötürməsinin müəllifi olub.
Qeyd edək ki, Benzia 4 gün əvvəl Boliviya ilə matçda (3:2) da qol sevinci yaşayıb.