Azərbaycan, Bakı, 20 oktyabr/ Trend , müxbir N.İsmayılova/ Ölkənin beynəlxalq kapital bazarlarına çıxışı məhdud olduğundan, Azərbaycan üçün dünya maliyyə böhranının riski kiçikdir, - Asiya İnkişaf Bankının Mərkəzi Asiya və Qafqaz dövlətləri üçün 2008 - ci il üzrə məruzəsində bildirilir.
Yanacağın davam edən qiymət artımının region ölkələrində asimmetrik effekti var. Karbohidrogen ixracatçıları üçün (Azərbaycan, Qazaxıstan, Türkmənistan və Özbəkistan) enerji daşıyıcılarının ixracında qiymətlə idarə edilən artım xalis ixracın ÜDM- in artımına töhfəsini yüksəldib. AİB - in ekspertlərinin rəyinə görə, Azərbaycanda ictimai ehtiyaclara artan xərclər sərmayə fəaliyyətinin dəstəklənməsinə yönəlib.
Lakin subregion vasitəsilə daxili tələbatda artım zəfiləyir. AİB - in ekspertləri 2008 - ci ildə subregionda artım templərinin 2007 - ci ildəki 11,6 faizə qarşı 7,6 faizədək azalacağını gözləyir.
AİB gözləyir ki, bankın hələ apreldə proqnozlaşdırdığı gələn ilki yüksəliş boğulacaq və 2009 - cu ildə proqnoz 8,4 faizdən 8 faizədək azaldılacaq. 2009 - cu ildə Qazaxıstanın gözlənilən bərpası Azərbaycanda neft bumunda mümkün yavaşımanı təkrar çəkərək, subregional artımda irəliləyişi dəstəkləyəcək. Azəbaycanla bağlı bilavasitə narahatlıq - bir müddət əvvəl baş verən gürcü - osetin münaqişəsinin Azərbaycan neftinin Gürcüstan vasitəsilə ixracına təsiridir.
Azərbaycanda bu il qəbul edilmiş nominal effektli məzənnənin hesablanmasının valyuta səbətinə bağlanılması inflyasiyanın idxalının saxlanılmasına yönəlib. İnflyasiyaya təzyiq kreditləşdirmənin sürətlə genişlənməsi və manatın pul bazası artımının sürətlənməsi ilə gücləndirilib.
Bəzi ölkələr ərzağa artan qiymətləri xəbərdar etmək məqsədilə maliyyə tədbirləri tətbiq ediblər. Bu tədbirlərə dənli bitkilərə vergi dərəcələri və gömrük rüsumlarının azaldılması (Azərbaycan, Qırğızıstan və Tacikistan), əhalinin yoxsul təbəqələrinin ərzaq alması üçün subsidiyaların tətbiqi (Qırğızıstan), nəqd transfertlər (Azərbaycan, və kənd təsərrüfatı üçün subsidiyalar (Azərbaycan, Qırğızıstan, Tacikistan, Özbəkistan) daxildir. Proqnozlara əsasən, Azərbaycan və Qazaxıstan üçün neft məhsullarını çıxmaqla qeyri - neft sektorunun ÜDM - də maliyyə defisitləri genişlənəcək.
Müəlliflə əlaqə saxlamaq üçün elektron ünvan: [email protected]